A lu suono de grancascia
viva lu popolo bascio.
A lu suono de tamburielli
sò risorte li puverielli.
A lu suone de campane
viva viva li pupulane.
A lu suono de viuline
morte alli giacubbine.
Sona sona sona carmagnola
sona li cunsiglia viva o rrè cu la famiglia.
A santeremo tanta forte
l’hanno fatto comm’a ricotta
A stu cornuto sbrevognato
l’hanno miss’ ‘a mitria n’capa.
Maistà chi t’ha traduto
chi stù stommaco ha avuto
e signore e cavaliere
te vulevano prigiuniere.
Sona sona sona carmagnola
sona li cunsiglia viva o rrè cu la famiglia.
Alli tredece de giugno
sant’Antonio glurioso
e signure sti birbante
e facettero o mazze tante.
Sò venute li francise
aute tasse nci hanno mise.
Libertè... Egalitè
tu arrobbe ammé io arrobbe attè.
Sona sona sona carmagnola
sona li cunsiglia viva o rrè cu la famiglia.
Li franciese sò arrivate
ci hanno bbuono carusate.
E vuolà e vuolà
cavece n’culo alla libbertà.
E’ fernuta l’uguaglianza
è fernuta la libbertà
pe’ vuie sò dulure e panza
signò jateve a cuccà.
Sona sona sona carmagnola
sona li cunsiglia viva o rrè cu la famiglia.
Passaie lu mese chivuso
le ventuso e l’addiruso
a lu mese ca se mete
hanno avuto l’aglio arrete.
Viva tata maccarone
ca rispetta la religione
Giacubbine iate a mare
ch’abbrucia lu panare.
Sona sona sona carmagnola
sona li cunsiglia viva o rrè cu la famiglia.
Nessun commento:
Posta un commento